အသက်ကြီးလာတာနဲ့ အမျှဦးနှောက်စွမ်းဆောင်ရည် ကျဆင်းသွားတယ်လို့ ကျွန်မတို့တွေယုံကြည်ထားကြပါတယ်။ ငယ်ငယ်ရွယ်ရွယ်နဲ့ မှတ်ဉာဏ်သိပ်မကောင်းတဲ့သူတွေ ခဏခဏ မေ့တတ်သူတွေကိုလည်း ကြုံဖူးကြမှာပါ။ အသက်အရွယ်ကြီးလာပေမဲ့ အတော်ကို မှတ်ဉာဏ်ကောင်းနေတဲ့သူတွေကိုလည်း တွေ့ဖူးကြပါလိမ့်မယ်။

မှတ်ဉာဏ်ကောင်းတယ်မကောင်းဘူးဆိုတာ ကျွန်မတို့ရဲ့ နေ့စဉ်လူနေမှုဘဝပုံစံနဲ့ ဆက်စပ်နေတာကို သင်သိပါသလား။ မှတ်ဉာဏ်အလျင်အမြန်ချို့ယွင်းမှုကနေကာကွယ်ပြီး အသက်အရွယ်ကြီးတဲ့ထိ မှတ်ဉာဏ်ကောင်းနေစေဖို့ နည်းလမ်းကောင်းတစ်ချို့ကို မျှဝေပေးချင်ပါတယ်။

အိပ်ရေး၀၀အိပ်ပါ

အိပ်ရေး၀၀မအိပ်တဲ့သူတွေဟာ မှတ်ဉာဏ်ကို ထိခိုက်စေပါတယ်။ ဒါ့ကြောင့်အချိန်မှန်အိပ်ယာဝင်ပြီး အချိန်မှန် အိပ်ယာထတတ်တဲ့အကျင့်ကိုလုပ်ပေးပါ။

လေ့ကျင့်ခန်းလုပ်ပါ

ပုံမှန်လေ့ကျင့်ခန်းလုပ်ပေးတာဟာ ဦးနှောက်အတွင်း သွေးစီးဆင်းမှုကို ကောင်းမွန်စေပြီး ဦးနှောက်စွမ်းဆောင်ရည်ကို မြင့်တက်စေပါတယ်။ ဒါ့ကြောင့် လေ့ကျင့်ခန်းလုပ်ပေးသင့်ပါတယ်။ မှတ်ဉာဏ်ကောင်းမွန်စေဖို့ တစ်ပတ်ကို မိနနစ် ၁၅၀ လောက်လေ့ကျင့်ခန်းလုပ်ပေးသင့်တယ်လို့ဆိုပါတယ်။ လေ့ကျင့်ခန်းလုပ်ရမှာ ပျင်းတဲ့သူတွေအနေနဲ့ တစ်နေ့ကို အနည်းဆုံး ၁၀ မိနစ်လောက်လမ်းလျှောက်ပေးပါ။

စိတ်ပိုင်းဆိုင်ရာလေ့ကျင့်ခန်းလုပ်ပေးပါ

အသက်အရါယ်ကီးလာတာနဲ့ အမျှ မှတ်ဉာဏ်ကလည်း တဖြည်းဖြည်းပြောင်းလဲလာပါတယ်။ စိတ်ပိုင်းဆိုင်ရာလေ့ကျင့်ခန်းဘယ်လိုလုပ်မလဲဆိုတော့ မဟေဠိမေးခွန်းတွေဖြေတာ၊ တခြားဦးနှောက်ကိုလှုံ့ဆော်ပေးတဲ့ ဂိမ်းတွေဆော့တာ၊ စိတ်ဝင်စားစရာကောင်းတဲ့ လူမှုဘဝအကြောင်းကို လေ့လာတာမျိုးတွေလုပ်ပေးသင့်ပါတယ်။

ပေါင်းသင်းဆက်ဆံရေး

ပေါင်းသင်းဆက်ဆံရေးက ဦးနှောက်ကျန်းမာရေးအတွက် သိပ်ကိုအရေးကြီးပါတယ်။ မိတ်ဆွေအပေါင်းအသင်းဆိုတာ စိတ်ခံစားချက်ကို ကောင်းမွန်စေတဲ့အပြင် ဦးနှောက်ကိုလည်းကောင်းမွန်စေပါတယ်။ မိတ်ဆွေသူငယ်ချင်းတွေများများပေါင်းပါ။ ပျော်ပျော်နေပါ။

စဉ်းစားပါ အာရုံစူးစိုက်ပါ

ဦးနှောက်ကို မြင့်တင်ပေးနိုင်တဲ့ နော်ကထပ် စိတ်ပိုင်းဆိုင်ရာလေ့ကျင့်ခန်းတစ်ခုကတော့ စဉ်းစာေးတွးတောတာပဲဖြစ်ပါတယ်။ ဘာစကားမှမပြောဘဲ ကိုယ့်အကြောင်းကို စဉ်းစားနေပါ။ ဥပမာ အရေးကြီးတဲ့ အစည်းအေ၀ အခမ်းအနားပွဲမသွားခင်မှာ ဘာလုပ်ရမလဲ ဘာပြောရမလဲဆိုတာကို ငြိမ်ငြိမ်လေးတစ်ယောက်တည်းစဉ်းစားပါ။ ပြီးရင် တစ်ယောက်တည်း ထိုင်ပြီး ၂ မိနစ်လောက် အသက်ရှုလေ့ကျင့်ခန်းလုပ်ပါ။ အသက်ပြင်းပြင်းနဲ့ ဖြည်းဖြည်းရှုပါ။

ဗီတာမင် B လုံလောက်အောင်စားပါ

မှတ်ဉာဏ်ကိုတိုးတက်စေဖို့အတွက် ဗိတာမင် B ပါတဲ့အစားစာတွေကိုစားပေးပါ။

ဦးနှောက်စွမ်းဆောင်ရည်ကို မြင့်တင်ပေးတဲ့အစားအစာတွေစားပါ

အသီးအနှံတွေကအစ၊ ကျန်းမာစေတဲ့ အဆီဓါတ်ကအဆုံး ဦးနှောက်စွမ်းဆောင်ရည်ကို မြင့်တက်စေတဲ့အစားအစာတွေစားပေးပါ။ Omega 3 ကလည်းဦးနှောက်စွမ်းဆောင်ရည်ကို မြင့်တက်စေပါတယ်။

နာတာရှည်ရောဂါရှိနေရင် ပိုမိုဂရုစိုက်ပါ

ကိုယ့်မှာ စိုင်းရွိုက်၊ ကျောက်ကပ်စတဲ့ နာတာရှည်ရောဂါတစ်မျိုးမျိုးရှိနေရင် ပုံမှန်စစ်ဆေးပါ။ ဆရာဝန်နဲ့ သေချာ ကုသမှုခံယူပါ။ ပြီးရင် ကိုယ်စားသင့်တဲ့အစားအစာတွေကို ဆရာဝန်နဲ့သေချာတိုင်ပင်ပြီးစားပါ။

Multitasking စနစ်ကိုရှောင်ပါ

အလုပ်ကို ၂ ခု ၃ ခုတစ်ပြိုင်တည်း ပြီးအောင်လုပ်ချင်စိတ်ကိုမထားပါနဲ့။ တစ်ချိန်တည်းမှာ အလုပ် ၄ ခု ၅ ခုလောက်လုပ်တာကိုရှောင်းပါ။

Green Tea (သို့) ကော်ဖီသောက်ပါ

ကော်ဖီဟာ မှတ်ဉာဏ်ကို တိုးတက်ကောင်းမွန်စေပါတယ်။ ဒါ့အပြင် Green Tea ကလည်း ဦးနှောက်ဆဲလ် ထိခိုက်ပျက်ဆီးမှုကို ကာကွယ်ပေးပါတယ်။ တစ်နေ့ကို ဝိုင်နီ ၁ ခွက် (သို့) ၂ ခွက်သောက်ပေးတာကလည်း မှတ်ဉာဏ်တိုးတက်ကောင်းမွန်စေပါတယ်။ ဒါ့အပြင် အင်လ်ဇိုင်းမားလို့ခေါ်တဲ့ ဦးနှောက်ချို့ယွင်းတဲ့ရောဂါတစ်မျိုး ဖြစ်ပွားမှုကနေ ကာကွယ်ပေးနိုင်ပါတယ်။

The post မှတ်ဉာဏ်တိုးတက်စေမယ့် ရိုးရှင်းလွယ်ကူတဲ့ နည်းလမ်းကောင်း ၁၀ မျိုး appeared first on MyStyle Myanmar.