ပျော်ရင်လည်းမျက်ရည်ကျသလို၊ ဝမ်းနည်းရင်လည်း မျက်ရည်ကျပါတယ်။ လူသားတိုင်း စိတ်ခံစားချက်အမျိုးမျိုးကြောင့် မျက်ရည်ကျရပါတယ်။ ချစ်သူနှစ်ဦးလမ်းခွဲလိုက်လို့၊ အလုပ်မှာ စိတ်ညစ်စရာတွေရှိလို့နဲ့ ရုပ်ရှင်ကြည့်ရင် စသဖြင့် မျက်ရည်ကျရပါတယ်။ ပါးပြင်ပေါ်ကနေ ငံကျိကျိမျက်ရည်တွေ ဆင်းကျတာ၊ မျက်ရည်ဝဲလာရင် မျက်လုံးတွေ ဝါးတားတားဖြစ်သွားတာ၊ ငိုတာများရင် မျက်လုံးရောင်တာတာမျိုးတွေ ဖြစ်တတ်ပါတယ်။

ကျွန်မတို့ လူသားတွေဟာ ပျမ်းမျှအားဖြင့် တစ်နေ့ကို မျက်ရည် ၁၀ အောင်ဆ တစ်နှစ်ကို မျက်ရည် ဂါလန် ၃၀ ထုတ်ကြပါတယ်တဲ့။ မျက်ရည်ကျတာဟာ ဘယ်လိုအကျိုးကျေးဇူးတွေရှိပါတယ်။

အဆိပ်အတောက်တွေထုတ်ပေးတယ်

ငိုလိုက်ရင် စိတ်ရှင်းသွားတာသာမက ခန္တာကိုယ်အတွင်က အဆိပ်အတောက်တွေကို ရှင်းထုတ်ပေးပါတယ်။ စိတ်ဖိစီးလို့ စိတ်ညစ်လို့ ငိုလိုက်ရင် စိတ်ဖိစီးမှုတွေကို သက်သာစေပါတယ်။

ဘက်တီးရီးယားတွေကို သေစေနိုင်တယ်။

ငိုကြွေးခြင်းရဲ့နောက်ထပ် အကျိုးရလဒ်ကတော့ ဘက်တီးရီးယားတွေကို သေစေနိုင်တာပါပဲ။

အမြင်အာရုံကို တိုးတက်စေတယ်

မျက်ရည်ကျပြီးပြီးဆိုရင်အမြင်အာရုံတွေကို ရှင်းလင်းစေပါတယ်။ မျက်ရည်ဟာ မျက်လုံးက အမြှေးပါး ရေဓါတ်ခမ်းခြောက်ခြင်းကိုကာကွယ်ပေးပါတယ်။

စိတ်ခံစားချက်ကို ကောင်းမွန်စေခြင်း

မျက်ရည်ကျလိုက်ပြီဆိုရင် ညစ်နွမ်းနေတဲ့စိတ်ခံစားချက်တွေကို ပိုမိုကောင်းမွန်စေပါတယ်။ ငိုတဲ့သူတွေဟာ မငိတတ်တဲ့သူတွေထက် စိတ်ခံစားချက်ပိုပြီးကောင်းမွန်ကြပါတယ်။

စိတ်ဖိစီးမှု ပြေပျောက်စေတယ်

အားရပါးရငိုပြီးသွားရင် စိတ်ဖိစီးတာတွေ သက်သာလာပြီး အရင်လို မပြင်းထန်းတော့ပါဘူး။ စိတ်ဖိစီးနေတဲ့ ဟော်မုန်းတွေ နဲ့ အဆိပ်အတောက်တွေကိုလည်း ဖယ်ရှားပေးတာကြောင့်ပါ။

လူမှုဆက်ဆံရေး တိုးတက်လာခြင်း

မျက်ရည်ဟာ လူမှုဆက်ဆံရေးမှာ စကားနဲ့ဖော်ပြစရာမလိုတဲ့ ပြယုဒ်တစ်ခုဖြစ်ပါတယ်။ ကိုယ်သူ့အပေါ် ဘယ်လောက်ချစ်ကြောင့် ဘယ်လောက်တန်ဖိုးထားကြောင်းကို ဘယ်လောက်ထပ်တူခံစားရကြောင်း ပြသတဲ့သဘောဖြစ်ပါတယ်။ အတူတူရယ်ဖူးတဲ့သူထက် အတူတူငိုဖူးတဲ့သူတွေကို လူတွေက ပိုတန်ဖိုးထား သတိရတတ်ကြတာပါ။

Featured Image Source: jcomp

The post မျက်ရည်ကျခြင်းရဲ့ အကျိုးကျေးဇူးတွေ appeared first on MyStyle Myanmar.